Beasain-Durango: Bizkaiko zatia adostuta

Edu Mendibil 2009ko eka. 15a, 12:19
Bizkaiko errepideen plangintza berriak 3.750 milioi euroko inbertsioak aurreikusten ditu 2016 bitartean. EAJ, PSE eta PP alderdiek plangintzaren ildo nagusiak adostu zituzten joan den astean. Nobedade nagusietako bat Beasain-Durango korridorearen Bizkaiko zatiarena da.

Hain zuzen ere, Durangotik, A-8 autobidetik, Kanpanzarreraino korridorea egitea aurreikusten da. Aipatutako korridoreak ez luke ordainsaririk izango eta trazaketa osoa lur azpitik egingo da. Kanpanzarren AP-1 autobidearekin egingo du bat. Proiektu horretarako 200 milioi euro aurreikusten ditu Bizkaiko Diputazioak.

Gipuzkoako zatiari dagokionean, hiru urte barru (2012an) Bergarara helduko da eta han bat egingo du Eibar-Gasteiz autobidearekin. Gero, Epeleko errepidea zabaltzea eta Bizkaiko zatiarekin bat egitea etorriko da. Kanpanzar lur azpitik zeharkatuko du errepide berriak.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak