Beasain-Durango: 2010eko uda baino lehen hasiko dituzte Urretxu eta Antzuola arteko lanak

Gipuzkoako Foru Aldundiak atzo, martitzena, onartu zuen 2010ean egiteko zenbait inbertsiotarako 100 milioi euro bideratzea, krisiari aurre egiteko. Lau multzotan banatzen da krisiaren aurkako plan hori: azpiegituretako herri-lanak egitea, lana sustatzea, enpresak babestea eta zientzia, teknologia eta berrikuntza bultzatzea. Herri-lanen atalean, Urretxu eta Antzuola arteko autobiaren lanak hasiko dituzte 2010ean, seguruenez uda baino lehen. Lan horiek 31 milioi euroko aurrekontua dute.