Batasuneko buruzagitzako kideen atxiloketak: balorazioak

Batasuneko zuzendaritzako 23 kide atxilotu ditu bart gauean Seguran eta Olaberrian Espainiako Poliziak. Espainiako Auzitegi Nazionaleko Baltasar Garzon epaileak agindu du sarekada. Ibarreko alderdi politiko ezberdinetako ordezkariei atxiloketen gaineko balorazioa eskatu diegu.
Arrasateko PPko zinegotzi Itziar Lamarainek dio, "Herri Batasuna legez kanpo dagoen alderdia" dela eta hala, ados dagoela atzoko atxiloketekin. Legeak errespetatzeko direla eta bera legeak dioenarekin bat datorrela.
Atxiloketok egungo testuinguru politikoan kokatu ditu, eta "Espainiako presidente Rodriguez Zapaterok orain arte egin ez duena nolabait egitea nahi izan duela" dio Lamarainek, "hauteskundeei begira botoak lortzeko ekintzak besterik ez" direla.

Arrasateko PSE-EEren izenean, Paco Garciak adierazi digu Arrasateko PSE-EEk ez duela balorazio politikorik egingo erabaki juridikoen gainean.

Gainerako alderdi politikoen ordezkarien balorazioak dituzue bideoetan.


ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.