ETAko kide izatea egotzita auzipetuta dauden 44 kidetatik zazpiri Baltasar Garzon Espainiako Auzitegi Nazionaleko epaileak gaur, astelehena, eman die auzipetze horren berri. Anjel Mari Elkano, Asier Imaz, Jean Claude Aguerre, Jose Manuel Jurado, Eusebio Lasa, Imanol Iparragirre eta Juan Jose Ibazeta dira horiek. Ibazeta izan ezik, gainerako guztiak espetxean daude. Gainerako auzipetuei, datozen egunotan emango die epaileak auzipetzeen berri.
Batasuna, EHAK eta EAE ANVko 44 lagun auzipetzeko erabakia martxoan hartu zuen Garzonek. Haren arabera, ETAk hauteskundeetan eta hauteskundeen ondoren erakundeetan parte hartzeko erabili zituen 44 auzipetuak. Gogoratu behar da, 44 auzpetu horien artean, 4 debagoiendar daudela; Bergarako Aittor Arantzabak, Mikel Zubimendi eta Mikel Garaiondo, eta Arrasateko alkate Ino Galparsoro. Horietatik, Galparsoro bakarrik dago, egun, kalean.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.