Bihar, zapatua, Baketik-ek ikasturte berriari emango dio hasiera. Arantzazuko Bake Zentroko zuzendari Jonan Fernandezek lehenengo ikasturtearen balorazioa egingo du eta bigarrenaren plangintza ere aurkeztuko du. Ondoren, hitzaldia eskainiko du Pilar Manjon hizlariak.
Inaugurazio ekitaldia 11:30ean hasiko da Baketik-ek Arantzazun duen egoitzan. Bide Mila proiektuaz gain, lehenengo ikasturtean egin izan diren ekimenak gogoraziko dira han.
Horrez gain, 2007/08 ikasturteko ikastaroen programa Hobeto bizitzeko, zeurekin eta besteekin lelopean aurkeztuko da. Urria eta martxoa bitartean, lau ikastaro eskainiko dira.
Bide Mila egitasmoari dagokionez, aurreikuspen guztiak gainditu izan direla ere aipatuko da. Bederatzi hilabeteetan 2.000 ikasletik gora izan dira etika eta berradiskidetzeari buruzko ikastaroan. Bake Zentroaren helburu berria 3.000 lagunera iristea da orain.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak