Bailarako baserritarrak abuztuan ere lan

Abuztuan bada oporretara joaterik ez duen asko, esaterako, baserritarrak. Aretxabaletako Areantza auzoko Etxebarri baserrira gerturatu gara eta Julen Abasolo topatu dugu bertan, honek ere ezin izan du abuztuan kanpora joan.
Etxabarri baserrian 270 behi inguru dauzkate eta egunero egunero eman behar zaie jaten. Txalak abuztuan ere jaiotzen dira eta gaixotzen ere badakite behiek urteko sasoi honetan. Beraz, ezin baserri utzi.


Abuztua, dena dela, hilabete lasaia izaten dela azaldu digu eta animaliei dagozkien lanak soilik egiten saiatzen direla adierazi digu. Udako ordutegia beraz.


Baserritar izateak lotura asko dakartza eta egunero dago zer egin baserrian. Baina Julenek azaldu digu gauza guztiekin gertatzen den moduan baduela bere alde txarra baina baita alde positiboa ere.

Julenek aitortu digu, dena dela, bere kasuan baserriko lanak bere anaiarekin batera egiten dituela eta tartean izaten duela oporrak hartzeko aukerarik. Merezitako oporrak gainera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.