Jarrai, Haika eta Segi erakundeak "legez kanpoko taldeak" direla
erabaki zuen Espainiako Auzitegi Nazionalak 2005ean emandako
epaian. 24 lagun epaitu zituzten orduan, eta bi eta hiru urte t'erdi
bitarteko espetxe zigorrak ezarri zizkieten.
Fiskaltzari eta AVTri arrazoia eman die
Defentsak, fiskalak, eta akusazio partikularra osatzen duen AVT
elkarteak helegitea jarri zuten Auzitegi Gorenean 2005ean. Auzipetuak
aske uzteko eskatzen zuen defentsak, eta Haika eta Segi ez direla legez
kanpoko taldeak zehazteko. Fiskalak eta AVTk, berriz, talde horiek
"talde terrorista" direla ebaztea eskatu zuten. Fiskalak 10 urteko
espetxe zigorra eskatu zuen epaituentzat, eta AVTk 15ekoa.
Espainiako Auzitegi Gorenak arrazoia eman die Fiskaltzari eta AVTri; hiru
magistratu erabaki horren alde azaldu dira eta bi kontra.
Auzipetuak 24 ziren baina zigorra 23ri ezarri die, Egoitz Lopez de la
Calle libre utzi duelako, "erakundeetako zuzendaritzako kide ez zelako".