Eibar-Gasteiz autobidearen azken zatia maiatzaren 22an erabiltzaileendako zabaldu zuten arren, oraindik badira bukatu bariko lanak. Autobideak zeharkatzen dituen udalerrietan lur desjabetzeekin eta bestelako lanekin lotutako neurri zuzentzaile eta konpentsatzaile asko falta dira betetzeko. Hala jakinarazi digute Eskoriatzako eta Aretxabaletako alkateek.
Are gehiago, bi udalerrietan autobideen kalteak aztertzeko taldeak osatuta daude aspaldi; eta berorrek udal politikari, udal teknikari eta kaltetuek osatutakoak dira.