Atzeratu egin dira Aretxabaletako zaharren egoitza berria egiteko lanak

Gaur ziren egoitza berrira pasatzekoak Urrats Gain zahar egoitzako lagunak. Untzilara bidean, Debagoiena osoari zerbitzua emango dion egoitza berriko lanak, ordea, atzeratu egin dira. Gutxienez astebete itxaron beharko dute aldaketa egiteko.

Egoitza berriko lanak amaitzeke egotera familiek toki aldaketa atzeratzea eskatu zuten. Horrela, luzatu egin dute egonaldia egoitza zaharrean.

Gaur azken inspekzioak egingo dizkiote eraikin berriari, eta eguenerako bilera deitu dute erabaki bat hartzeko. Arduradunek esan digutenez litekeena da aldaketa astelehenean burutzea.

Egoitza berriak hiru solairu ditu eta 170 lagun hartzeko tokia. Eguneko zentroa ere izango da 50 lagunendako.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.