Zabalik beharko luke Aretxabaletan, Untzilara bidean aurkitzen den zahar egoitza berriak, baina lanak ez dira garaiz bukatu eta astebete atzeratu da azkenean bere irekiera. Astelehenean, Gipuzkoako Foru Aldundiaren plazak beteko dituzten erabiltzaileak etorriko dira. Zumarraga, Legazpi edo Seguratik, besteak beste.
Eguenean, hilak 4, egindako bilera batean hartu zuten erabakia. Aretxabaletako Urats Gain egoitzako erabiltzaileak, berriz, martitzenean egingo dute leku aldaketa. Goizeko 11:00etan hasiko dira trasladoarekin.
Eskoriatzako zahar egoitza
Leku aldaketa honekin libre geldituko da orain arte Urats Gain zahar egoitzak orain arte erabili duen eraikina. Zurrumurruak zabaldu dira eraikin hori Eskoriatzako zahar egoitzako lagunen behin behineko erabilerarako izan daitekeela. Zentzu horretan Eskoriatzako udaletxetik onartu dute ideia mahai gainean egon dela, baina ez dela inongo erabakirik hartu. Foru Aldundiarekin bilerak egiten dihardute berria egiteko Eskoriatzako zahar egoitza botatzen bada denbora horretan erabiltzaileei zein egoitza eskaini erabakitzeko.