Operazioan Euskadiko Trafikoa Kudeatzeko Zentroak ere hartuko du parte, errepide-sare nagusian jarritako 77 kamera eta sentsore sistema kontrolatzen baititu.
Helburuak
Herrizaingo Sailak bi helburu lortu nahi ditu operazio honekin:
- Ezbehar-kopurua murriztea
- Errepideetan ibilgailuen joan-etorria arintzea, ilarak saihestuz.
Aholkuak
Joan-etorrietan segurtasuna hobetzeko, Herrizaingo Sailak oso zuhur ibiltzeko eskatzen die gidariei, baita oinarrizko gomendio hauek bete ditzatela ere:- Bidaia aurreratu edo atzeratu, ordu zailenak saihesteko.
- Errepidera irten aurretik, ibilgailuaren egoera egokia dela egiaztatu.
- Zirkulazio arauak uneoro errespetatu. Arreta berezia jarri abiadurari eta aurreratzeei.
- Ez hartu alkoholik eta ez egin otordu oparoegirik. Atsedena hartu, beharrezkoa denean.
- Zirkulazioaren egoeraren jakitun egon, hedabideen bidez.
- Istripu edo bestelako larrialdirik baduzu, eskatu laguntza 112ren bidez.