Asko izan dira Aste Santuko oporrak pasatzeko gure bailara aukeratu dutenak, hori da behintzat bailarako turismo bulegoetako datuek erakusten dutena.
Oñatin 750 pertsona inguru izan dira, Eskoriatzan 133 eta Gatzagan berriz 250. Balorazio oso positiboa beraz. Euskaldunak izan dira gehien bat gure bailara bisitatu dutenak.
Oñati izan da turista gehien erakarri dituen herria eta bertako unibertsitatea da turistek gehien bisitatu duten puntua. Arantzazuko santutegia ere derrigorrezko geldialdia izan da turista hauentzat.
Kanpotik etorri den jendeari asko gustatu zaio gure bailara eta bere edertasunarekin eta ondare historikoarekin harrituta gelditu dira asko.
Bailarako hotelak ere dezente bete dira egun horietan. Bergarako Lamaño Etxeberri nekazal turismoa esaterako bete beteta egun da Aste Santuko bost egunetan.
Maite Aristegik dio turista hauek Euskal Herriko hiriburuak bisitatu ostean bailarako herriak ezagutzera dedikatu direla. Dena dela, zerbitzu falta handia dagoela uste du. Turista asko euskal gastronomia ezagutzera etortzen dira eta jatetxe asko itxi egiten dituzte egun hauetan.
Badirudi, beraz, bailarako turismoaren sustapenean aurrera pausuak ematen ari garela. Oporretan turistentzat zerbitzu zabalagoa eskaintzea izan daiteke orain eman beharreko hurrengo pausua.