Aste bukaerarako kultur proposamenak

Domekako hauteskundeei begira egongo dira asko aste bukaeran. Baina, hauteskundeez gain, beste hainbat ekintza ere izango ditugu ibarrean. Hemen dituzue proposamen batzuk.

Musika

Maiatzak 25, egubakoitza
  • Bergarako Mendekoste jaien barruan, Belceblues, Red House eta Hamabi Tribu taldeak. 22:30ean, Bideberrin.
  • Arrasaten 23:00etan hasita eta Gure Leku tabernan Sin Red taldea.
  • 3.60 aretoan, Arrasaten, Los Coronas eta The Longboards taldeak.
Maiatzak 26, zapatua
  • Arrasateko Amaia Antzokian Jonathan Richman Bostongo kantaria ariko da, 20:00etan.  
  • Elgetako Espaloian 22:30etik aurrera,  Mathilde maitatzeko moduak. Txuma Murugarren abeslariak eta Julen Gabiria idazleak litreatura eta musika uztartzen dituzte.
  • Arrasaten, 3.60 aretoak Dessert festival jaialdia antolatu du: Waxy, Jinxremover eta Demon Cleaners taldeak ariko dira 23:00etatik aurrera.

Maiatzak 27, domeka

  • Musikegunak egitarauaren barruan, Ma Non Tropo ganbera orkestrak kontzertua eskainiko du Oñatin, 19:30ean.

Antzerkia

Maiatzak 26, zapatua

  • 5:30ean, Pantha Rei antzerki taldeak Alaia txotxongilo emanaldia eskainiko du Oñatiko Santa Ana antzokian.

Bertsoak

Maiatzak 26, zapatua

  • Oñatin bertso bazkaria egingo dute Portu tabernan Gazte Asanbladak antolatuta. Jon Maia eta Sustrai Colina ariko dira.

Elkartasun jaia

Maiatzak 27, domeka

  • Antzuolan Anelkar gobernuz kanpoko erakundeak elkartasun eguna egingo du, eta horretarako bidezko merkataritza postuak jarriko dituzte. Oihulari Clown taldeak, bere aldetik, Otiacicoch delako emanaldia egingo du, 19:00etan hasita.

Bergarako jaiak

Aste bukaeran Bergarako Mendekoste jaiak ospatuko dira. Bergara.net-en duzue jaien egitaraua ikusteko aukera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.