Apirilak 27, egubakoitza
- Rogelio Botanz kantautore euskaldun kanariarraren kontzertua. 22:30ean, Elgetako Espaloia Kafe Antzokian.
- Des-kontrol taldeak jaia egingo du Arrasateko 3.60 aretoan, 23:00etan. Duintasunez eutsi! eta Behin eta berriz diskoetako 15 bat abesti joko dituzte Arrasatekoek Estatu Batuetatik bueltan daudela ospatzeko. Grabatu egingo dute gainera kontzertua, etorkizunean DVD bat ateratzeko asmoarekin. Des-kontrol taularatu aurretik, Orreaga 778 oi talde donostiarra arduratuko da giroa animatzeaz.
- Oñatin 70. hamarkadako rockak hartuk du Gaztelekua. 22:00etan hasita, The Answer irlandarrak eta Radio Wings arrasatearrak.
- Bergarako Jam aretoan gure artean gutxitan entzuten den musika egongo da gerturatzen denarentzat: flamenko runbaren sortzaile diren Los Chichos madrildarrak, 22:00etan.
Apirilak 28, zapatua
- Bergaran San Prudentzioak ospatuko dituzte Elorregi auzoan eta egitarau betea prestatu dute egunotarako: mezaren ostean, herri bazkaria egingo dute, eta Peñagarikano eta Amuriza bertsolarien lana izango da bazkalostea alaitzea. 22:00etan, aldiz, erromeria egongo da soinujoleekin.
- Etxeko txikienentzat emanaldia eskainiko dute Txirri, Mirri eta Txiribiton Junior pailazoek. 18:00etan, Amaia antzokian. Jasotako dirua Iturrigorri Elkarlana taldearentzat izango da.
- Raul Lasa bakarlari arrasatearra ariko da Oñatin, Portu tabernan, 19:00etan.
- Arrasateko 3.60 aretoan, blues gaua izango dute, Carvin Jonesen bandaren eskutik, 23:00etan.