Musika
- Barikuan, 18:30ean, Arrasate Musikaleko ikasleek kontzertua egingo dute Kulturaten. Klarinete eta saxofoi ikasleek egingo dute saioa.
- Barikuan, 19:30etik aurrera, Arrasateko San Frantzisko elizan emanaldia egingo du Oñatiko Ganbara Txiki abesbatzak.
- Barikuan, 22:00etan, Arrasateko 3,60 aretoan, , kontzertua egingo dute Vantroi, Sioux eta Deskontrol taldeek. Sarrera 7 euro da.
- Elgetan Espaloian, beste proposamen bat. Barikuan, 22:30etik aurrera, Hauxe ikuskizuna eskainiko dute Pettik, Txuma Murugarrenek eta Rafa Ruedak.
- Bergarako Ziripot tabernan, disko jartzaileek bi saio egingo dituzte asteburuan. Barikuan, 23.00etatik aurrera DJ Fabelek jarriko du musika. Zapatuan, berriz Dj KRCk.
Antzerkia
- Aramaio. Txalo taldeak Artea izeneko antzezlana egingo du barikuan kultura etxean 22:00etatik aurrera. Txirritola euskara elkarteak antolatutako emanaldia da honakoa.
- Oñatin Kunka taldearen Meando Fuera del Tiesto antzezlana ikusteko aukera egongo da barikuan 22:30etik aurrera Santa Ana aretoan.
- Oñatin, zapatuan, Txan magoaren emanaldia dago iragarrita Santa Anan. Laixan euskara
elkarteak antolatzen duen ikuskizuna da. 17:00etatik aurrera izango da.
Erakusketak
- Arrasaten zabalik duzue Kulturateko klaustroan Zerrajera 101 delako erakusketa, zerrajeraren mendeurrena ospatzeko antolatu dutena.
- Harresi aretoan, berriz, Xeli Mendizabalen margoak daude ikusgai ekainaren 24ra arte.
- Elgetako Espaloia Kafe Antzokian Justina Elexpuru margolari bergararrak bere lanak zintzilikatu ditu hilaren 27ra arte.
- Argazkiak gustuko dituzuenondako, jakin, Bergarako Aroztegi aretoan Bergara Hiria argazki lehiaketako lanak dituzuela ikusgai. Zuri beltzeko zein koloretako argazkiak.
Ospakizunak
- Eskoriatzan jai zapatista egingo dute zapatuan. Kale animazioa, herri bazkaria eta kontzertuak egingo dituzte besteak beste.
- Eskoriatzan zapatuan Luis Ezeiza herri eskolak jaia ospatuko du. Jolasak, herri bazkaria eta dantzaldia egingo dituzte eskolako jolaslekuan.
- Eskoriatzan, domekan, herriko hildako mendizaleen aldeko Txikirri-Txikirri VI. Mendi ibilaldia egingo dute. Proba goizeko 7etan abiatuko da herriko plazatik.
- Debagoieneko hainbat auzotan jaiak izango dituzte. Esaterako, Antzuolako Ondarre auzoan zein Bergarako Elosu auzoan. Haur jolasak eta erromeria egingo dituzte bietan ere.
- Arrasaten, zapatuan, ardo eta gaztaren eguna egingo dute II. urtez herriko plaza eta inguruko kaleetan. Guztira 33 upategik eta 30 gaztagilek hartuko dute parte egun berezi horretan.