Zinema zuzendari bergararrak bertsolaritzari buruzko dokumental baterako irudiak hartzen ariko da gaur, BECen, Euskal Herriko Bertsolari Txapelketako finalean beste hainbat lagunekin batera. Berez, proiektua baino ez da oraingoz dokumentala, baina materiala jasotzeko Andoni Egaña txapeldunak kamera bat segika izango du gaur.
BEC betetzen ari zela grabazioa prestatzen aurkitu dugu Asier Altuna. Saioa hasi berria den honetan grabaketekin hasia egongo da. Baina, ondoren,
hori dokumentalaren parte bat baino ez da izango. Izan ere, Altunaren asmoa da bertsolaritzak inguruan daukan irudi
eta ideia multzoa zinemara eramatea.
Asier Altuna kamera atzean eta bertsolariak taula gainera bidean, publikoa zutik, tartean makina bat debagoiendar. Bertsolariak taula gainean txaloka eta publikoa berriz ere zutik.
Unai Iturriaga, Aitor Sarriegi, Amets Arzallus, Sustrai Kolina, Andoni Egaña, Jon Maia, Maialen Lujanbio eta Aitor Mendiluze. Hasi da bertso festa.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
