Asel Luzarraga Goiena.net-eko blogariaren aldeko kontzentrazioak

Asel Luzarraga idazlea eta Goiena.net-eko blogaria atxilotu zuten abenduaren 31n Txilen, terrorismoaz akusatua. Kargu zehatzak ez zaizkio leporatu, baina epaileak urtarrilaren 6a arte luzatu du behin-behineko atxiloketa epea. Aselen lagunek bi kontzentrazio deitu dituzte, 'Asel askatu' lelopean: bat Leioan gaur astelehenez goizean eta bestea Bermeon bihar.

2008ko abendutik 2009ko abendura Txileko Araucania eskualdean izandako indar gutxiko lau leherketa saiorekin lotzen omen dute Luzarraga gaiaz informatzen duten Txileko hedabideek.

Txileko Hommodolars kontrainformazio gunearen arabera, berriz, Luzarragarekin egin dutena montajea da, eta aurrekariak izan dira beste atxilotu batzuekin.

Horrelaxe irakurri dugu Sustatu.com-en.

Blogari eta idazlea

Zenbait eleberri idatzi izan ditu Asel Luzarragak, eta bi blog ditu euskaraz, bata Goiena.net komunitatean, eta bestea Gorri Beltzean, Wordpressen.

Euskal Pen Klubeko kide ere bada.

Kontzentrazioak

Astelehena, urtarrilak 4

Lekua: Consulado chileno de Bizkaia, Leioa

Ordua: 11:30ean

Martitzena, urtarrilak 5

Lekua: Ertzilla dorretxea, Bermeo

Ordua: 19:00etan

Atxiloketaren bideoa

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.