Gipuzkoako Foru Aldundiak jakinarazitakoaren arabera, astelehenean, abuztuaren 31n itxi egingo dute Debagoieneko Eskualdeko Ospitaletik Arrasateko saihesbidera dagoen irteera, berrikuntza obrak egiteko. Aurreikuspenen arabera, martitzenera arte itxiko dute, 14:00ak arte. Anbulantziek bakarrik erabili ahal izango dute irteera hori.
Martitzenean, berriz, leku bereko sarrera da itxiko dutena; hau da, ezin izango da Arrasatera sartu ospitaleko sarreratik. 15:00etan itxiko dute sarrera, eguazteneko 19:00ak arte.
Hirugarren sarrera, bihar
Bestalde, saihesbideko obra horiek direla-eta, egunotan itxita egon da Arrasaterako hirugarren sarrera, San Andres auzora ateratzen den sarrera (Fagor-MU, Aramaio). Bada Diputaziotik iragarritakoaren arabera, bihar (zapatua), iluntze parterako obra bukatuta izango da; beraz, bihar bertan zabalduko dute sarrera hori.