Arrasate-Oñati lasterketarako izenematea zabalik dago

1983ko maiatzaren 22an egin zen I. edizio hartatik Arrasate eta Oñati arteko ibilbidea hainbat eta hainbat korrikalarik egin dute. Hauen artean atxintxikalari ospetsuak aurkitzen ditugu, besteak beste, Diego Gartzia (duela hiru urte omenaldia egin zioten), Garin anaiak, Ramon Jausoro, Joxe Apalanza, Mª Luisa Irizar, Francisco Villameriel.

Betiko ibilbidea

Ibilbidea ohikoa izango da, hau da, Arrasateko Garibai pasealekutik abiatuz, Musakolarantz, ondoren San Prudentzion Oñatirako bidea hartzeko; Zubillaga (auzo barrutik, ez sahiesbide berritik), Santxolopetegi, Garibai eta Goribar igaro ondoren, Otadui zuhaiztia eta Kale Zaharretik barrena plazara iritsiko dira korrikalariak. Herrian bertan Kale Barritik gora joango dira korrikalarik eta Atzeko Kaletik jaitsi helmugara iristeko. Helmuga beste urtetan bezala Foruen plazan egongo da.

Lasterketa nagusia hasi baino lehen bailarako umeen partaidetzarekin herriko kale nagusietan gaztetxoentzat lasterketa antolatu da. Bertan 500 gaztek parte hartzen dute. Lasterketa hauek Arrasate-Oñati baino lehenago izango dira, arratsaldeko 5etan hasita.

Izenematea

• Aurrez: Euskadiko Kutxako (Caja Laboral) zenbaki honetan dirua sartuta: 3035-0005-31-0050041235

• Partehartzailearen datuak beteta ekarri behar dira. Epea: maiatzaren  10a arte.
  

• 7 euro

• Egunean bertan: Non: Irteeran Arrasateko Garibai pasealekuan 18:15 arte edo Oñatiko Foru Enparantzan 17:00ak arte.
  

• 9 euro

• LAIXAN elkarteetako bazkideek  6 euro.