Akta sinadura
Horrela, akta sinadura, datorren asteazkenean, martxoak 25, egingo da. "Jokabide horrekin lortzen dutena da kaltetuak direnak gehiago beldurtzea eta modu batez presionatzea", adierazi du Elortzak. Cabiecesek zentzu horretan prentsa oharrean adierazten zuen gizartearen parte handi bat AHT-aren alde dagoela eta lanek aurrera jarraitzen dutela– nahiz eta oraindik ez diren hasi.
Ia dena lur azpitik
Arrasate-Elorrio zatiak 4,4 kilometroko luzera izango du eta Arrasate eta Elorrio eta Aramaio zeharkatuko ditu; tarte guzti horren %81,6 bi tunelek zeharkatuko dute. Bidearen zati horretan mendebaldeko eta ekialdeko adarrak banatuko dira, Donostiarako eta Bilborako bideak, hain zuzen ere. Zati horretan aipatu daitezke, besteak beste Kobaten egingo duten bide zubia eta Udalaitzen egingo duten (3.185 metroko luzera) tunela. Bestalde, aipatu pasa den astean hasi zituztela Aramaio eta Eskoriatza zatiko lanak –Induspeko tunela–. Eskoriatzako Mazmela auzotik Aramaiora bitartean egingo dute tunela, eta 5,58 kilometroko luzera izango du eta hiru bide zubi izango ditu. Induspekoa bi bideko tunela izango da. Horrez gain, GI-3343 errepidearen, Zarimutzen eta Uriarteren gaineko bide zubi bana eta bi noranzko tunelak: Uruburu-1, Uruburu-2, Mazmela eta Induspe. Horrez gain. Aramaion trena geldi egoteko postu bat (PAET) egitea ere aurreikusita dago.