Astelehen gauetik aurrera Mugarritte inguruko zirkulazioan aldaketak egingo dituzte, Arrasate eta Aretxabaleta artean egiten dituzten obretan, beraz. Besteak beste, Aretxabaletarako bide zaharra (GI-3920) zabaldu egingo dute, baina "bakarrik Arrasatetik datozenendako, ez saihesbidetik (GI-627) datozenendako".
Astelehenean egingo dituzten zirkulazio aldaketen arrazoia da Mugarritten biribilgune berria eraikitzeko obrak hasi behar dituztela. Hori horrela, "ahalik eta arreta handienarekin" gidatzeko eta "seinaleak errespetatzeko" eskatu dute Diputazioko ordezkariek. Aurreikuspena da hilabetean bukatzea biribilgune berriko obrak.
Gainerakoa berdin
Zirkulazio aldaketen artean, iragarri dute Aretxabaletarako bide zaharra (GI-3920) zabaldu egingo dutela. Baina Aretxabaletarako noranzkoan zabalduko dute, "bakarrik Arrasatetik datozenendako, ez saihesbidetik (GI-627) datozenendako".
Zirkulazioaren gainerako egoerari dagokionez, "orain arte funtzionatu duten mugimendu berak mantenduko" dituztela aditzera eman dute Gipuzkoako Diputaziotik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak