Aretxabaleta eta Oñatiko EAE-ANVko zerrendak ezingo dira hauteskundeetara aurkeztu

Maider Arregi 2007ko mai. 11a, 10:40

EAE-ANVko 133 zerrenda baliogabetu ditu Auzitegi Konstituzionalak. Tartean Oñati eta Aretxabaletako zerrendak daude baliogabetuta. 00:30 aldera eman dute erabakiaren berri. Konstituzionalak aho batez berretsi du EAE-ANV alderdiaren 133 zerrenda eta ASren guztiak baliogabe utzi zituen ebazpena.

EAE-ANVk 133 zerrenden baliogabetzearen kontra jarri zuen helegitea. ASk, berriz, zerrenda guztien gainean jarri zioten baliogabetzearen kontra. Hala, Auzitegi Konstituzionalak zerrenda guztien baliogabetzea berretsi du.

Hartutako epaiaren arrazoiak

Auzitegi Konstituzionalak dio inpugnatutako zerrendetan Batasunarekin zerikusia edo harremana duten pertsonak daudela. Batasunaren "estrategia" bat dela, hau da, Batasunak zerrenda horiek "instrumentalizatu" dituela frogatzen dutela.

Behin betiko erabakia

Erabakia tinkoa da, ez dago errekurtso gehiago jartzerik. Beraz, ANVren 133 zerrenda eta ASren guztiak hilaren 27ko lehia politikotik kanpo utzi dituzte.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.

Harpidetza aukera guztiak