Aratz eta Txolartea elkarteak saritu dituzte Atzegiren film laburren lehiaketan

Usoa Agirre 2008ko mai. 14a, 13:28
Atzo, martitzena, banatu zituzten Donostian Atzegik antolatutako film laburren lehiaketako sariak. Lehen saria Aretxabaletako Aratz elkarteak jaso zuen, "Amapolia" filmarekin. Bigarrena, berriz, Arrasate eta Bergarako Txolarteak jaso zuen, "Tariro-tariro" filmarekin. Aktorerik onenaren saria jaso zuen Jabi Elguero bergararrak.

Aurten bigarren aldiz antolatu du Atzegik film laburren lehiaketa. Lehiaketaren helburua ez da informazio, dibulgazio edo prestakuntza xedez eginiko bideoak egitea, fikziozko istoriak sortzea baizik, horien protagonistak adimen urritasuna duten pertsonak izanik.

Lanen balio zinematografikoaz gain, bideoa egiterakoan eta ondorengo emanaldian hauek gozatzeko aukera izan dezatela kontutan izaten da. Pertsona horiekin lan eginez jarduera-eremu berriak ireki nahi dira, tartean geroz eta gizarteko sektore gehiago sartuz eta, finean, herritarrak sentsibilizatuz, geroz eta Atzegizaleagoak izan daitezen; hots, adimen urritasuna dutenen autonomiaren eta integrazioaren alde geroz eta gehiago saia daitezen.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak