Debagoieneko tranbia bultzatzeko legez besteko proposamena eztabaidatu dute Eusko Legebiltzarreko Etxebizitza, Herri Lan eta Garraio batzordean. Aralar alderdiaren eskariz egin da hori eta eskatu dute "tranbia ezartzeko egutegi, plangintza eta txosten tekniko zehatza" egitea. PSE eta PP alderdiek, ordea, atzera bota dute ekimena; hain zuzen, Txarli Prietok, sozialisten bozeramaileak, erantzun du egitasmoak ez duela "adostasun zabala izan", jasotako alegazio kopuruari begiratuta –500 inguru–. AHTak alegazio gehiago izan dituela eta sozialistek egitasmo horren "adostasun zabala" behin eta berriro errepikatu dutela dio Aralarrek.
Prietoren baieztapenari erantzunez, "AHTren proiektuak alegazio gehiago izan" zituela eta "hala ere, behin eta berriro egitasmo horrek adostasun zabala duela errepikatu" dutela erantzion dio Oxel Erostarbe Aralarreko legebiltzarkideak. Honenbestez, alderdi abertzaleak adierazi du sozialistak "herritarren arazoei konponbide bilatzen ari ordez hauteskundeetara begira" daude. Adostasuna badagoela berresteko Erostarbek agertu du Debagoieneko alkateek Jaurlariztari "argi eta garbi adierazi" diotela badagoela "adostasunera heltzeko borondatea eta beharra".
Aralarrek uste osoa du tranbia dela "mugikortasunak sortzen dituen arazoak konpontzeko hartu behar den neurrietako bat". Erostarbek "argi eta garbi" ikusten du "borondate politikorik ez" dagoela. "Alderdi sozialistak Gipuzkoarako ze asmo duen ez daukagu oso argi" dio Erostarbek nahiz eta "Alderdi sozialista egunero ari" den "Donostiako metroaren harira adierazpenak egiten".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak