Ekitaldia galdeketaren aldekoa izan zen. Hain zuzen ere, panel erraldoia jarri zuten eta bertan herritarrak kezkatzen dituzten hainbat gairen gaineko iritzia eskatu zuten: AHT, erraustegia... Hala, hautestontzi bat baliatuta, herritarrek duten iritzia eman ahal izan zuten.
Eragin eta aldatu. Ezkerreko alternatiba abertzalea lelopean egiten dabiltza kanpaina Aralarkoak. Ekitaldian, Aretxabaletako eta Elgetako alkate Inaxio Garro eta Oxel Erostarbe, Rebeka Ubera batzarkidea eta Debagoieneko hainbat zinegotzi izan ziren.
Horrez gain, hurbildutako herritarrei Aralarko piruletak eta programa politikoa eman zieten.