Diseinu aldaketa bi beharrek eragin dute, nagusiki:
- Edukiak kudeatzeko sistemaren aldaketa: Joamlatik WordPress erabiltzera pasa da.
- Erabiltzaileei parte hartzeko aukera berria eskaintzea. Horretarako, atal berriak sortu, elementu grafikoak indartu, menuen antolamendua aldatu eta edukiak informazio osagarriz hornitu dituzte (irudiak eta bideoak gehienbat).
Atal berriak, parte-hartzea bultzatzeko
Diseinu berria eta atal berriak estreinatu ditu Appleberrik. Parte-hartzea bultzatu nahi dute bigarren aro honetan eta horretarako sortu dituzte zenbait aukera: argazki galeria, bideokasta eta foroa.
Bestalde, sarreretan iruzkinak gehitzeko eta inkestetan parte hartzeko aukera ere eskaintzen dute.
- Bideokasta: produktuen reviewak egiteko bideoa dela egokiena uste dute. Testu eta irudiarekin bakarrik gauza asko bidean gelditu daitezke edo ez dira behar bezala antzematen.
- Galeria: aukera zabala ematen du albisteak ilustratzeko orduan. Albisteen osagarri da galeria. Gainera, edozeinek bidal dezake argazki bat galeria osatzeko.
- Inkestak: gai jakin baten gainean apple-zaleen iritzia zein den jakin nahi dute. Hilean behin edo beharra ikusten dutenean aldatzen joango dira.
- Iruzkinak: irakurle parte-hartzaileak nahi dituzte. Informazioa elkartrukatu, osatu, zuzentzeko, eztabaidatzeko edo iritzia azaltzeko albisteei erantzuteko aukera duzu.
- Zalantza gunea edo Foroa: zalantzak edo galderak erantzuten saiatuko dira foroan. Izena eman besterik ez dago galdera bat egiteko edo beste erabiltzaile bati erantzuteko.