Gaurtik aurrera erabilgarri izango da Eibar eta Gasteiz lotzen dituen AP-1 autobidea. 11:00etan inauguratu dute zabaltzeko falta zen azken zatia, Arrasate eta Eskoriatza artekoa. Inaugurazio ekitaldia goizean egin bada ere, 17:00etan zabalduko dute autobide osoa zirkulaziora. Inaugurazioan, Markel Olano Gipuzkoako Aldun Nagusiak esan du bi funtzio beteko dituela AP-1 autobideak: batetik, Gipuzkoako udalerriak batuko dituela; bestetik, Gipuzkoa gainontzeko lurraldeekin lotuko duela.
Olanok adierazi du Gipuzkoaren etorkizunaren oinarria dela autobidea eta N-1en alternatiba izango dela.
Inaugurazio ekitaldian izan dira, besteak beste:
- Markel Olano, Gipuzkoako Aldun Nagusia
- Iñaki Arriola, Herri Lan eta Garraio sailburua
- Eneko Goia, Gipuzkoako Errepideetako Foru diputatua
- Borja Jauregi Bidegiko zuzendaria
- Rafaela Romero Batzar Nagusietako presidentea
- Ino Galparsoro Arrasateko alkatea
- Lusi Mari Apraiz, Gipuzkoako errepideen zuzendaria
- Luis Zarrabeitia, Arabako Errepideetako Foru diputatua
- Inaxio Garro, Aretxabaletako alkatea
- Pedro Lasagabaster, Eskoriatzako alkatea
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
