Aldundiak jarritako baldintzetan zehazten denez, zerbitzuguneak, gasolindegiaz gain, beste hainbat zerbitzu izan behar ditu: lubrifikatzaileak, erradiadoreendako likido hoztailea, pneumatikoendako airea, ura, autoendako osagarriak, telefonoa eta Interneterako sarrera eta komunak, besteak beste. Gainera, zerbitzua 24 ordukoa izango da, astelehenetik domekara.
Eskoriatzan, 24,950 puntu kilometrikoan kokatuko den zerbitzugunean, Oxinalden emango diren zerbitzuak egongo dira erabiltzaileen eskura. Uztarretako gunea baina, 6.000 metro koadrokoa izango da.
AP-1 autobideko bi zerbitzuguneetan emango diren gutxieneko zerbitzuek libre uzten duten tokiaren arabera, beste zerbitzu batzuk jar daitezke: kafetegia eta autoendako eta kamioiendako aparkaleakuak, besteak beste.
Urte bukaerarako amaituta
2007ko abenduaren 15ean Eskoriatzan egondako lur-jausien ondoren, urte bateko atzerapenaz zabalduko dute AP-1 autobideko Gipuzkoako zatia. Tarte horretan hiru bidesari egongo dira: Eskoriatzan, Etxebarri-Ibiñan eta Lukun. Bestalde, ia bukatuta dago Eibar-Gasteiz autobideko Arabako zatia.
