10,8 kilometroko tartea da zabalduko dutena. Zati horretan azpimarratzekoa da Izuskitzako tunela (3.415 metro), Euskadiko luzeena. Tunel horrek hiru minututan lotzen ditu Araba eta Gipuzkoa. Zarimutzekoa da tarte horretan zeharkatzen den beste tunela (500 metro).
Bestalde, Marin (100 metroko altuera, erdiko zutabean), Zarimutz, Mazmela, Apotzaga eta Uztarretako zubi-bideak ere zeharkatzen ditu autobideak ia 11 kilometro horietan.
Beste zatia, ekainerako
Arrasate eta Eskoriatza arteko autobide zatia ekainerako irekiko dute. Hala, Eibar-Gasteiz autobidea oso-osorik zabalik geratuko da. 1998an hasi ziren eraikitzen gure bailara zeharkatzen duen autobidea.
Autobide guztia zabaldu bitartean, doan izango da autobidea Gasteizetik Eskoriatzara.