Anbotoko kilometro bertikalak errekor berria du, Akitaniako Didier Zago lasterkariak ezarritakoa (38:36). Emakumezkotan, berriz, Oihana Kortazar elgetarrak ekaina biribildu zuen. Joan den astean Espainiako Txapelketa irabazi zuen Kortazarrek Castelloko Plana Baixa eskualdean, eta Anboton emakumezko azkarrena izan zen (49:41).
Igoera ikusgarria egin zuen Didier Zagok Anbotoko igoerako bigarren edizioan. Lasterkari afrikarrak ere animatu ziren proban parte hartzera. Didier Zagok, baina, erakustaldia egin zuen, eta marka berria ezarri. Bigarrena izan zen Jessed Hernandez eta hirugarrena Agusti Roc. Debagoiendarren artean, zortzigarrena izan zen Zuhaitz Ezpeleta, lau minutura.
Emakumezkotan, berriz, Oihana Kortazarrek berriro erakutsi zuen gorputzaldi oso onean dagoela, eta 20 emakumeren artean nabarmendu zen. Elgetakoak igoera ederra egin zuen, 49:41eko marka ezarrita. Hala, garaipen horrekin euskal selekzioko korrikalariak ekaineko bigarren lorpen garrantzitsua erdietsi zuen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
