Anboto Kilometro Bertikala lasterketak lehen aldia izan da. Arrazolako plazatik (228 metro) Anbotoko tontorrera (1.328 metro) arteko ibilbide zuzenenetik ahalik eta denborarik laburrenean iristea zen gakoa.
Goizean euri apur bat egin arren oro har eguraldia lagun izan dute proban barrena lasterkariek. Goi partean hala ere behe lainoa izan da. "Igoeran lokatza egon denez horrek gogortu egin du proba korrikalarien esanetan, baina hala ere lasterketa polita izan dela diote. Kanpotik etorri direnei ere asko gustatu zaie ingurua", esan digu antolatzaile taldeko Ekaitz Aierdik.
Lehen urtea izateko parte hartzaile kopuruarekin gustura daude antolatzaileak; 170 izan dira guztira. Ikusleak ere asko izan dira. "Jende asko gerturatu da proba ikustera eta korrikalariak animatzera eta giro polita sortu da", esan digu Ekaitz Aierdik.
Igoera gogorraren ostean, faboritoak, Raul Garcia, segoviarrak irabazi du. Munduko azpi txapelduna da eta Zegama-Aizkorri lasterketan ere bigarren izan da bi urtean. Antolatzaileek azaldu digutenez, "erreferentzia moduan 40 minutuko denbora ipini genuen eta gailurrera iristeko bi minutu gehiago behar izan baditu ere, berari eman diogu errekorraren saria. Hurrengo urtean denbora hori gainditu beharko da".
Ibarreko ordezkaririk ere ez da falta izan lasterketan; 20 hain zuzen ere. Debagoiendarren artean lehena Aritz Kortabarria izan da eta sailkapen orokorrean seigarren tokian amaitu du lasterketa irabazlearengandik bi minutu eta bost segundora.
Antolatzaileak aurrerantzean errepikatzeko gogoz azaldu dira eta euren esanetan baita korrikalariak ere.
Sailkapena
Gizonezkoak
- Raul Garcia 42:22
- Harkaitz Zamakona 43:24
- Patxi Urizar 44:11
Emakumeak
- Alizia Romero 54:38
- Izaskun Zubizarreta 55:03
- Patricia Althape 56:08
Debagoiendarrak
6. Aritz Kortabarria 44:27
9. Joseba Molinero 45:37
14. Mikel Navarro 46:30
19. Joxe Mendiola 47:49
21. Arkaitz Letamendi 47:55
36. Ekaitz San Vicente 51:09
44. Iban Isasti 52:17
46. Jabier Arriaran 52:20
52. Aitor Otxoa 52:52
54. Xabier Iribekanpos 53:17
55. Aitor Aiala 53:33
60. Kepa Larrea 53:56
76. Argider Isasti 56:38
77. Iker Agirrebaltzategi 56:39
78. Igor Guenetxea 56:42
92. Iñigo Altuna 58:04
104. Josu Gascon 59:15
128. Luis Urigoen 1:03:47
135. Rosa Lasagabaster 1:10:23
152. Iñigo Eriz 1:11:49