Jaurlaritzak erosi
Etxebizitza librean, hipotekei aurre egin ezin dezaketen herritarrei etxeak erosteko prest dago Eusko Jaurlaritza eta alokairuan uzteko, baina berriz erosteko aukerarekin. Jaurlaritzak ordainduko luke etxe babestu batengatik ordainduko litzatekeen salneurria eta hipoteka bertan behera utziz, jabe ohiei etorkizunean etxea berriz erosteko aukera izango lukete.
Madrazo Etxebizitza sailburuak adierazi du kasu batzuetan hipoteken %20 kentzea eskatuko zaiela bankuei. Baina hipoteka-betearazpen edo utziarazpenera helduz gero, Etxebizitza Sailak pertsona horiei Biziguneko etxebizitzak utziko lizkieke, gehienez ere 12 hilabetez, baina beste 12 hilabete ere luzatu daiteke. Neurri horren helburua da kale gorrian etxe barik inor ez geratzea. Alokairua, hasiera batean, 450 euro izango litzateke, 12 edo, gehienez, 24 hilabetean. Momentu horretatik aurrera, eguneratutako errenta osoa ordaindu beharko lukete onuradunek.
Banketxeen laguntza
Jaurlaritzak, finanatza erakundeei egindako eskaeraren harira, Euskadiko Kutxako zuzendari nagusi Elias Atutxak adierazi du Jaurlaritzarekin elkarrizketak aurreratuta daudela.