Hurrengo martitzenean hasita, Goiena magazinea-ko platoan Debagoieneko alkateak izango dira eta astero-astero bailarako alkate bat elkarrizketatuko dugu. Bada, platoa bisitatzen lehena Ino Galparsoro Arrasateko alkatea izango da.
Elkarrizketok zuzenean Internet bidez jarraitzeko aukera ere egongo da: horretarako, www.livestream.com/goienatv helbidera sartu beharko da eta bertan iruzkinak ere egin ahal izango dira.
Parte-hartzea
Eneko Azkarateren tartean elkarrizketatuko dituzte alkateak. Hala ere, ikus-entzuleek ere aukera izango dute alkateari galderak egiteko zuzenean edo Internet bidez.
Zuzenean parte hartzeko telefonoz deitu beharko da. Edozein ikus-entzulek alkateari egiteko galderaren bat edukiz gero, 943 25 05 03 telefonora deitu beharko du eta alkateak erantzungo du ikus-entzulearen kezka edo zalantza.
Horrez gain, www.goiena.net helbidera ere bidal daitezke galderak.