Alerta laranjan gaude

Hala abisatu du Herrizaingo Sailak. Dio denboralea datorrela datozen bost egunotarako eta metro karratuko 200 litro botako dituela aurreikusi dute. Euskalmeten arabera, datozen egunotakoa izango da udazkeneko lehen denborale serioa.

Euria eta haizea etengabe izango ditugu eta tenperaturek ere dezente egingo dute behera, 10-15 graduren artean ibiliko dira tenperaturarik altuenak.

Estolderiak garbitzeko gomendioa

Aurreikuspen horien aurrean, Barne Sailak gomendatu du euri urak hartzen dituzten udalerrietako estolderien egoera berrikustea komeni dela eta egon daitekeen zikinkeria garbitzea: hostoak eta adarrak, adibidez.

Horrez gainera, jakinarazi du bai Euskalmet eta baita Larrialdietarako eta Babes Zibilerako Arreta Zerbitzua eguraldiaren eboluzioa zaintzen egongo direla, herritarrak informatu eta beharrezkoak diren neurriak hartzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.