Eguaztenean, maiatzaren 13an hasiko ditu Foru Aldundiak GI-627 errepideko zorua eta egiturak berritzeko lanak Arrasate eta Aretxabaleta artean. Lan horiek egiteko aurrekontua 3,4 milioi euro da, eta 8 hilabeteko epea dauka Guipasa enpresak lanak bukatzeko.
Tarte
horretan asfalto zorua berrituko da, zortzi zentimetroko sakoneran oraingo
zoladura birziklatuz eta ondoren 10 zentimetroko aglomeratuzko geruza
berria zabalduz. Lan horretan gutxi gorabehera 14.000 tona
aglomeratu zabalduko dira. Gainera, lau harri lubeta
euskarri birgaituko dira, 36, 30, 20 eta 15 metroko luzera eta bi eta
hiru metro arteko altuera dutenak, hurrenez hurren. Baita ere, hainbat
zatitan arekak egin, 14 kutxeta eraiki, eta segurtasuneko hesiak eta
seinale horizontal berriak jarriko dira.
Errepidea itxi beharrik ez da egongo.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.