Aldundiak abereen mugimendua baimendu du Gipuzkoan

Debekua kentzean, azoka, feriak eta abere elkartzeak berriz ere egin ahalko dira.

Mingain urdinaren gaitza dela eta debekatuta zegoen ardi, behi edota ahuntzak mugitzea gaitza agertu zen fokutik hasita 150 kilometrora  mugatutako murrizketa gunean, baita abere elkartzeak ere. Baina Rafael Uribarren Landa Garapeneko Foru Diputatuak  sinatu duen foru agiriak debekua ezeztatu egiten du.

Egiaztatu dutenez, Oiartzunen antzemandako mingain urdinaren gaitzaren fokua Donostialdeko eskualdean mugatuta geratu da, eta tenperatura baxuek lagundu egin dute gaitza kutsatzeko beharrezkoak diren eltxoak hiltzen.

Dena den, gaitza izan dezaketen azienda guztia inmunizatzeko eta gaitza zabaldu ez dadin, Aldundiko Landa Garapenerako Departamentua prebentziozko txertaketa politika zorrotza garatzen ari da.

Abenduaren 3an sartuko da indarrean debekua kentzeko agindua, beraz egun hauetan hain ohikoak diren feria eta azokak berriz ere ikusi ahalko dira abereak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.