Alderdi Egunera joateko ibarretik autobus bakarra irtengo da, Bergaratik

Domekan Alderdi Eguna ospatuko da Forondako zelaietan. Bergaran autobusa jarri dute hara joateko. 09:00etan irtengo da autobus geltokitik.

Txosna eta jantokia ere jarriko dute bergararrek. Zapatuan 20 bat lagun joango dira Forondara, muntaketa lanak egitera. Dena prest utziko dute hurrengo egunerako.

Domekan 09:30ean zabalduko dute txosna. Hiru txanda antolatu dituzte eta guztira 60 lagun inguru arituko direla jakinarazi du Mikel Lete jelkideak. Pintxoak eta bokatak ez dira faltako. Jantokian 80 pertsonendako menua izango da.

Ibarreko gainontzeko herritan ez da ezer antolatu aurtengo Alderdi Egunerako. Arrasateko EAJtik, hala ere, datorren urtean Debagoieneko txosna jartzeko asmoa dagoela azaldu da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.