Arratsaldeko 13:00etan iritsi dira Mikel Zabalza, Juan Vallejo eta Alberto Iñurrategi Broad Peak mendiko tontorretako batera, ipar aldeko tontorrera (7.550 metro). Eta, handik oinarrizko kanpalekura walkie talkiez bialdu duten mezu motzean adierazi dute lortu dutela helburuetako bat, eta ondo daudela. 7.300 metrora zeudela atseden hartu dute, eta ondo zeudela ikusita, tontorrera egin dute zuzen.
Goizean, 05:30ean jarri dira espedizioko kideak lanean. 6.300 metrora zeuden mendian gora hasi direnean, eta goiz gogor baten ostean, 11:00ak inguruan –Pakistango orduaren arabera– iritsi dira mendi lepora, 7.300 metro ingurura. Atseden hartu eta gero –bakoitzak 12 kilo inguru daramatza aldean, eta ez dute kanpoko laguntzarik izan– erabaki dute azken ahalegina egin eta 250 metroko malda gainditzea, tontorreraino.
Basque Team-etik adierazi dute konexioa ez dela batere ona izan, eta Iñurrategiren berba horiek baino ez dituztela jaso. Hala, egin dute Broad Peak-eko gailurretako bat, eta beste bi geratzen zaizkie.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
