Ez da lehen aldia AHTren kontrako kanpaldia Debagoienean egiten dena. Duela hiru urte Aramaion egin zuten-eta.
Bisita gidatuak eta manifestazioa
Ekintza gehienak, herrian bertan izango dira, besteak beste, Torreosoroan edota Zurrategi plazan. Bisita gidatuak ere antolatu dituzte nekazaritza ekologikoa egiten duten herriko bi baserritara eta zapatuan, uztailaren 31an manifestazioa egingo dute Bergarako udalatexetik abiatu eta Ipiñarri baserri gainera.
Laskurain Handi baserrian kanpalekua
Kanpaldia bera Antzuolako Laskurain Handi baserriko zelaietan egingo dute. Bertan kanpatzen dutenek Lapatza eta Pikunietako baserrietako barazki, fruitu, esne eta bestelako produktu ekologikoak kontsumituko dituzte, asanbladatik proposatzen duten gizarte eredu aldaketaren erakusgarri.
Azpiegituren kontra
Asanbladatik zehaztu dute, era berean, AHTren kontrako kanpaldi hau, azken urteotan Euskal herrian burutu edo planteatu diren beste azpiegitura proiektu handien kontra ere badela, eta azpiegitura-lan handiak gelditu eta gizartearen lehentasunak zehazteko, jendarte osoak hausnarketa egin behar duela. Hilario Manzanedok berba egin du AHTren Kontrako Asanbladaren izenean.