Guztira 80 kilometro izango ditu Abiadura Handiko Trenaren Gipuzkoako zatiak, eta horietatik lau Bergara eta Antzuola artean izango dira. Jaurlaritzak du zati hori egiteko ardura. Hain justu ere, goizean jarri du tarte horretako lehen harria Etxebizitza, Herri Lan eta Garraio sailburu Iñaki Arriolak, Kukubaso mendian egindako ekitaldian. Han izan da baita ere Markel Olano, Gipuzkoako Diputatu Nagusia. Gaurkoarekin, sei dira dagoeneko Gipuzkoako adarrean hasitako tarteak.
AHT eraikitzeko Jaurlaritzaren
konpromisoa
berretsi nahi izan du Arriolak ekitaldian, eta gaineratu du ingurumenari
zor zaion errespetu handienarekin egin direla orain arteko tarte
guztiak.
Bergara-Antzuola zatian lau
kilometrotatik bi tunelean egingo ditu trenak. Modu horretan, kalte
gutxiago egingo zaio ingurumenari, Garraio sailburuak esan duenez.
Hiru urte barru bukatuta
Asmoa da hiru urte barru amaitzea Bergara
eta Antzuola arteko zatia; guztiok egin beharko dugula lan adierazi
du Arriolak.
Horretarako, 106 milioiko
aurrekontua
izango dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak