AHT: Legutio eta Eskoriatza arteko Albertiako tunela zulatzen hasi dira

Atzo, eguaztena, hasi zituen tunela zulatzeko lanak Espainiako Sustapen Ministerioaren menpeko Adif erakunde publikoak. Albertiako tunela AHTren ibilbidean egingo den luzeena da (4.780 metro) eta, hala, bukatzen dutenean Euskal Herriko tunelik luzeena izango da, inauguratu berri duten AP-1eko Isuskitzako tunela (3.337) baino luzeagoa. Espainiako Gobernuko Delegatu Mikel Cabiecesek eman du lanon hasieraren berri.

Gipuzkoa eta Araba lotuko dituen tunel honen eraikuntza Legutio eta Eskoriatza arteko bide-tarteko lanen zati da. Tarte hori bi fasetan egingo dute eta orain hasi duten lehenengo fasean 2,4 kilometro eraikiko dituzte; horietatik 2,1 kilometro Albertiako tunela izango denarenak. Eraikitzen hasi diren tartea Legutio, Aramaio, Leintz Gatzaga eta Eskoriatzako lurretan egingo da. 

4.178 milioi euro

Adif erakunde publikoaren datuen arabera, AHTren lanak 4.178 milioi euro inguruko inbertsioa izango du. Erakunde hori arduratuko da Gasteiz eta Bilboko adarretaz; Donostiarako adarra Eusko Jaurlaritzak kudeatzen du.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.