Abuztuan, ia 100 langabe gehiago Debagoienean

Azken lau hilabeteetako joera hautsi eta langabeziak gora egin zuen ibarrean azken hilabetean. 93 langabe gehiago zeuden ibarrean, eta zenbakitan, Oñati da igoera handiena jasan duen herria.

Eskoriatzan eta Leintz-Gatzagan izan ezik, gainerako herri guztietan egin du gora langabe kopuruak: Eskoriatzan jaitsi egin da, eta Leintz-Gatzagan mantendu. Iazko abutuzko datuekin alderatuta baina, egoerak hobera egin du, aurten 426 langabe gutxiago zeuden-eta.

Oñati izan da igoera handiena izan duen herria, 34 langabe gehiagorekin. esan behar da baina, era berean, langabezia tasa txikiena ere bertan dagoela, %7,29 hain zuzen ere. Antzuolak du langabezia tasa handiena, %10,88. Debagoienean %9,58an geratu da tasa.

Baina Hego Euskal Herrian ere gora egin du langabeziak abuztuan; hilabete amaieran, 3.386 langabe gehiago zeuden.  Iazko abuztuko datuekin alderatuz, 12.450 gehiago da hori.


Abuztuko langabe kopurua
Langabezia-tasa
Antzuola 99 (+15)
%10,88
Aretxabaleta 290 (+3)
%8,90
Arrasate 1.225 (+33)
%10,59
Bergara 705 (+2)
%9,83
Elgeta 43 (+7)
%8,74
Eskoriatza 203 (-1)
%9,76
Leintz-Gatzaga 11 (=)
%8,27
Oñati 394 (+34)
%7,29
DEBAGOIENA 2970 (+93)
%9,58

 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.