20 lagunetik gora artatu dituzte ospitalean, goizeko izotzaren ondorioz erorita

Usoa Agirre 2010ko urt. 11a, 16:52
Iragarritako moduan, elurraren ostean izotzak sortu ditu arazoak goizean Debagoieneko kale eta bideetan. Gaur goizerako zenbait bide eta kale nahikoa garbi bazeuden ere, beste batzuetan oraindik elur eta izotz dezente zegoen. Herritarrek, beraz, tentu handiz ibili behar izan dute, oreka mantentzeko nahikoa lanekin. Jende nagusiarendako zegoen bereziki arriskutsua zorua.

Debagoieneko ospitaleko larrialdi zerbitzuan galdetuta, esan digute goiz zaila izan dutela, 20 lagunetik gora artatu dituztela, kolpeekin eta hautsiekin, gazteak ere bai baina batez ere jende nagusia.

Udaletako langileak ikusi zitezkeen goizean han hemenka gatza bota eta bideak garbitzeko lanetan, baina nahikoa ez, eta hainbat herritar ere bazebilen etxe edo komertzio aurrea garbitzen.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak