Euskal Autonomia Erkidegoa alerta gorrian dago. Eusko Jaurlaritzako Herrizaingo Sailburu Rodolfo Aresek hedabideen aurrean hitz egin du 17:00etan. Badirudi ziklogenesi leherkorra atzeratu egingo dela apur bat. Aresen hitzetan haize bolada gogorrenak 20:00etatik aurrera emango dira. Adierazi du gainera, "gertatu zitekeen okerrena" gertatuko dela eta aurreikuspenak "txarrenak" direla. Sailburuak herritarrei eskatu die 19:00etarako etxean sartzeko eta kalera ez irteteko. Horrez gain bi agindu ere eman ditu: 19:00etan merkataritza-gune guztiak itxi egin beharko dira derrigor eta 20:00etatik aurrerako autobus zerbitzu guztiak etenda geratuko dira.
Eusko Jaurlaritzako Herrizaingo Sailak honako aholkuak eman ditu ziklogenesi leherkorraren etorreragatik:
Errepidean
Ahal bada, ez gidatu. Eusko Jaurlaritzako Trafiko Zuzendaritzak
debekatu egin du kamioien zirkulazioa gaurko 15:00etatik biharko
15:00etara bitartean. 7.000 kilo baino gehiagoko kamioiak ezingo dira
herri arteko errepideetan eta autobideetan ibili.
Etxean
Leihoak itxi eta loreontziak eta kalera erori daitezkeen objetuak kendu.
Kanpoaldean
Urrundu hondartzatik eta kostaldetik eta ez joan mendira eta ez ibili kostaldean.
Kalean
Urrundu hormetatik eta arboletatik, eta kontuz eraikitzen ari diren edo egoera txarrean dauden erakinekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
