16 urteko kartzela zigorra taxi gidaria erasotzeagatik

Gipuzkoako auzitegiak bi gizonezkori 16 urteko kartzela zigorra jarri die Gasteizko taxi gidari bat jipoitzeagatik. Gertaera orain dela hiru urte jazo zen Arlabango mendatean. Bi erasotzaileak, J.D.O. (21 urte) gasteiztarra eta Galizian jaiotako A.G.F. (50 urte) gizonezkoa dira.

Taxi gidaria Eskoriatzako bizilagun batek aurkitu zuen eta gertatutakoaren berri Ertzaintzari eman zion. Ondoren zauritua Arrasateko Ospitalera eraman zuten zauri larriak zituelako, eta handik Gurutzetako Ospitalera, bertan ospitaleratzeko. 21 eta 50 urteko erasotzaileek autoa lapurtu zioten eta Arlabanen gogor jipoitu ostean autoa lapurtuta ihes egin zuten. Orain, Gipuzkoako auzitegiak 16 urteko kartzela zigorra ezarri die eta erasotzaileek biktimari, 261.000 euroko kalte ordaina eman beharko die.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.