Markinan jaioa, Arrasatera etortzea egokitu zitzaion Arizmendiarrietari eta gogor lan egin zuen hemen lan proiektu berritzailea sortzeko. Kooperatiben mugimendua sortu zuen Arrasaten, gerora Mondragon Korporazio Kooperatiba izatera iritsi dena.
Ekitaldiak asteon
MCCri lotuta dagoen Gizabidea fundazioak bi ekitaldi antolatu ditu aste honetan egiteko. Lehena gaur bertan izango da San Juan Parrokian. Meza egingo dute 19:00etan eta bere jatorrizko eskualdeko kantariak etorriko dira. Lekeitioko abesbatza etorriko da eta lekeitiarra den baina Arrasatera bizitzera etorri zen Jose Ramon Barbarias konpositorearen Kresala meza kantatuko dute.
Bigarren ekitaldia bihar, azaroak 30, egingo dute Goi Eskola Politeknikoan. Bernardo Atxaga idazleak Euskal Hiria izeneko hitzaldia egingo du 18:30ean.