Bergarako Aranzadi ikastolak antolatuko du datorren urteko Kilometroak festa. Egubakoitzean, festa horren irudia eta mezua, argi daukagu, kaleratuko dituzte. Jaialdi horretan arropen desfilea ere egingo dute eta udazken eta neguko arropak erakutsiko dituzte.
Desfilea
Egubakoitzean da desfile hori, 19:00etan Jam aretoan. Ikasleak eta kultura, kirola eta bestelako arloetan lan egiten duten bergarar ezaguna izango dira modeloak. Bergarako hainbat taldek ere hartuko dute parte. Ia 100 lagun guztira. Sarrerak bi euro balio du eta salgai daude ikastolako idazkaritzan. Jamen ere salduko dituzte jaialdia hasi aurretik. Sarrera erosten dutenak zozketa baten hartuko dute parte. Oihan Vegak eta Edurne Azuarak aurkeztuko dute jaialdia.
Denda
Zapatuan zabalduko dute Bergaran Kilometroak'07 denda. Barrenkale 44 zenbakian egongo da, Irizar jauregia baino beherago, KOH diseinu grafikoa eta Laskurain iturgintza komertzioak dauden ondoan. Nikiak, gonak, prakak, jertseak, txamarrak, pinak, metxeroak, poltsak eta beste hainbat gauza izango dituzte han saltzen. Hauxe da dendaren ordutegia:
- Lan egunetan: 17:00etatik 20:00etara
- Zapatuetan: 10:00etatik 13:00etara eta 17:00etatik 20:00etara