www.Euskaly.com webgunean sartuz gero, pantailan azpiegitura horri buruzko bideo bat aurki daiteke. Ez hori bakarrik, hiru azpiatal daude bertan: Proiektuari buruzko xehetasun guztiak ematen dituena da bat, proiektuak herriz herri daraman garapena jakiteko aukera ematen du besteak. Azken atalak lanen egungo egoera nolakoa den azaltzen du.
Euskal y-a ezagutu
Euskal y-a ezagutu atalean klikatuz gero, trenak eramango duen ibilbidea, honen ezaugarriak, trenak nola eraikiko diren eta beste herrialdeetako esperientzia nolakoa izan den ezagutzeko aukera dago besteak beste.
Euskal Y-a zure herrian atalean berriz, trena pasatzen den herrietan zein ibilbide izango duen eta honek nolako eraginak ekarriko dituen ikusteko parada dago. Gure bailarako herrietan sartzeko Gipuzkoa klikatu beharra dago lehenengo. Bertan, Bergara, Antzuola, Leintz Gatzaga, Eskoriatza eta Arrasateko aukeratu daitezke, herri hauetako xehetasunak ezagutzeko. Aramaiori buruzko datuak ezagutzeko, lehenengo Araban sartu behar da. Atal honetan gainera, herritarrek euren iradokizun, iruzkin edo kexak azaltzeko aukera dute, herritarren postontzia izeneko azpiatalean.
Azken atalean, lanak orokorrean gaur egun duten egoera azaltzen da. Horrez gain abiadura handiko trenarekin zerikusia duten argazki galeria bat bisitatzeko aukera dago.
Webguneak, kontsultak lau hizkuntzatan egiteko aukera ematen du: euskaraz, gazteleraz, ingelesez eta frantsesez.