Hala, informazioa kalera atera eta, herriz herri, ibarreko herri guztietara zabalduko dute. Herri bakoitzera egun bat edo bitan hurreratuko dira, azoka eta plaza nagusietara, eta han informazio euskarriak jarriko dituzte irudi eta mezuekin. Horrekin batera, hezitzaile bat egongo da Juanra Artola herritarrei informazioa banatzeko eta izan ditzaketen galderei erantzuteko.
Kontsumo-ohiturak hobetzeko aholkuak
Bost dira Mankomunitateak ematen dituen aholkuak:
- Bertan ekoitzitako produktuak, elikagai freskoak eta denboraldikoak kontsumitzea.
- Zabor gutxiago sortu behar da. Horretarako, komeni da erosketak egiterakoan hondakin gutxien sortuko duten eta berrerabiltzeko edo birziklatzeko egokienak diren produktuak aukeratzea
- Energiaren kontsumoa ere murriztu behar da. Hori egin daiteke eraginkortasunari begiratuta etxetresna elektrikoak erostean.
- Autoa gutxiago erabiltzen saiatu. Esaterako, distantzia laburrak oinez edo bizikletaz eginda, garraio kolektiboak erabilita edo autoa pertsona gehiagorekin partekatuta.
- Ura zentzuz eta beharrezkoa dena bakarrik erabili.
Informazio gida
Gabonen inguruan aterako dute eta etxez etxe banatuko dute. Hondakin gutxiago sortzeko informazioa jaso du.