GAP programa lau ataletan banatzen da:
- Ura
- Energia
- Garraioa
- Erosketa-saskia eta etxeko hondakinen kudeaketa.
Atal bakoitza garatzeko ekintza konkretuak egingo dira. Hilabete bakoitzean atal bat landuko da; hala, lau hilabete iraungo du programak.
Ekintzetan parte hartzeko prest dauden familiak behar dituzte programa garatzeko.
Debagoienaren konpromisoa
Larrañagaren aburuz, Euskadin GAP programa abian jartzean, beste urrats bat emango dugu iraunkortasunaren bidean. Sailburuaren hitzetan, "kontsumo iraunkorra da, hain justu, klima aldaketa bezalako fenomenoen ondorio larriei aurre egiteko herritarrok dugun aukerarik onena."
Arrasateko Udala, 2002. urtean Udalsarea 21en sartu zen lehen udalerrietako bat izan zen. Gerora eskualdeko beste udalerriek ere bat egin zuten proiektuarekin. Horrek erakusten du Debagoienak ingurumenarekiko duen konpromiso handia.
Larrañagak gogorarazi zuenez, Euskal Herrian egin zen programa honen esperientzia pilotu bat, Urdaibai eta Debabarrena eskualdeetan.
Horiek emandako emaitza onak ikusita, beste eskualde batzuetara zabalduko dute esperientzia orain. Debagoiena da eskualde horietako bat.
Hilaren 28an Oñatin aurkeztuko dute